കടലോരവർത്തമാനം

IMG_2398.jpgമുതലപ്പൊഴി ഹാർബർ പുനർരൂപകൽപന: സർക്കാർ പഠിക്കും

ജൂലൈ 18, മുതലപ്പൊഴി, തിരുവനന്തപുരം: മത്സ്യബന്ധനതുറമുഖത്തെ അപകടസാധ്യത കുറയ്ക്കാനായി പഠനവും പുതിയ രൂപകല്‍പനയുമടക്കം സർക്കാർ സത്വര നടപടികൾ എടുക്കുമെന്ന് ജില്ലാ കളക്ടർ ഡോക്ടർ വാസുകി ഇവിടെ ഇന്ന് പ്രസ്താവിച്ചു.

കഴിഞ്ഞയാഴ്ച ബോട്ടപകടത്തിൽ രണ്ടു മത്സ്യത്തൊഴിലാളികൾ മരിച്ചതിനെത്തുടർന്ന് ഇവിടെ മൂന്നുദിവസമായി മത്സ്യത്തൊഴിലാളികൾ സമരത്തിലായിരുന്നു. ഇന്ന് വേളി-വർക്കല റോഡു മുതാലപ്പൊഴിപ്പാലത്തിനുമേൽ ഉപരോധിച്ചു മത്സ്യത്തൊഴിലാളികൾ നടത്തിയ സമരത്തെത്തുടർന്ന് അനുരഞ്ജന സംഭാഷണത്തിനായാണ് കളക്ടർ എത്തിയത്.

മുതാലപ്പൊഴിയിൽ വർദ്ധിച്ചുവരുന്ന അപകടങ്ങൾക്കു കാരണം അശാസ്ത്രീയമായ ഹർബർ രൂപകല്പനയാണെന്നു മത്സ്യത്തൊഴിലാളികൽ ആരോപിച്ചു. ഹർബറിന്റെ ഭാഗമായി കടലിലേക്ക് തള്ളിനിൽക്കുന്ന രീതിയിൽ നിർമ്മുചിച്ചുള്ള പുലിമുട്ടുകൾ തിരകളുടെ ആഘാതം കുറയ്ക്കുന്നതിനുപകരം കൂട്ടുകയാണത്രെ ചെയ്യുന്നത്.

പുലിമുട്ടുകൾ കടലൊഴുക്കിനെയുംതിരകകെയും ബാധിക്കുന്നതിനാൽ, ഹർബറിനു വടക്കു അഞ്ചു കിലോമിറ്ററോളം ദൂരത്തു ഗുരുതരമായി തീരശോഷണവും, തീരാനാശവും സംഭവിക്കുകയാണ്. തീരത്ത് മണൽത്തിട്ടകൾ നശിച്ചതിനാൽ മത്സ്യബന്ധന ബോട്ടുകൾ ഇറക്കാനാവുന്നില്ല. മത്സ്യത്തൊളിലാളികളുടെ വീടുകൾ കടലെടുത്തു പോകുന്നു. ഈ നാശനഷ്ടത്തിനെതിരെ തക്കതായ നഷ്ടപരിഹാരവും മത്സ്യത്തൊഴിലാളികൾ ആവശ്യപ്പെട്ടു.

അഞ്ചുതെങ്ങു കത്തോലിക്കാ ഫൊറോനായുടെയും മാമ്പള്ളി, അഞ്ചുതെങ്ങു, പൂത്തുറ, താഴംപള്ളി തുടങ്ങിയ ഗ്രാമങ്ങളിലെ മത്സ്യത്തൊഴിലാളികളുടെയും ആഭിമുഖ്യത്തിലായിരുന്നു ഇന്നത്തെ സമരം. തിരുവനന്തപുരം ലത്തീൻ കത്തോലിക്കാ അതിരൂപതാ ആർച്ചബിഷപ് മോസ്റ്റ് റെവറന്റ് ഡോക്ടർ സൂസപാക്യം എം., ഫൊറോനായിലെ വൈദികരൊപ്പം സമരത്തെ അഭിസംബോധന ചെയ്തു