കടലിന്റെ സ്ഥിതി

റേഡിയോ മൺസൂൺ

ശബ്ദം
IMG_0076

2020 ഏപ്രിൽ 9 വ്യാഴാഴ്ച രാത്രി 8 മണിക്കുള്ള അറിയിപ്പ് ,
ഇന്ത്യൻ സമുദ്ര വിവര സേവന കേന്ദ്രം ഇൻകോയിസ് അറിയിക്കുന്നതനുസരിച്ച്

വെള്ളിയാഴ്ച തിരുവനന്തപുരത്തെ തീരക്കടലിൽ അഞ്ചുതെങ്ങ് മുതൽ പൂവാർ വരെയുള്ള തീരങ്ങളിൽ വടക്ക് പടിഞ്ഞാറ് നിന്നും ചില അവസരങ്ങളിൽ തെക്ക് നിന്നും 12 കിലോമീറ്ററിൽ വരെ വേഗതയിലാവും കാറ്റ്. അലകൾ തെക്ക് പടിഞ്ഞാറ് നിന്നും 5 അടി വരെ ഉയരത്തിലായിരിക്കും. ഇരുപത് കിലോമീറ്ററിനപ്പുറവും ഇതേ വേഗതയിലാവും കാറ്റ്. എന്നാൽ ഇരുപത് കിലോമീറ്ററിനപ്പുറം അലകൾ തെക്ക് പടിഞ്ഞാറ് നിന്നും 6 അടി വരെ ഉയരത്തിലായിരിക്കും. പെട്ടന്ന് ഉണ്ടാകുന്ന കാറ്റ് തീരക്കടലിൽ 40 കിലോമീറ്റർ വരെ വേഗതയിലായിരിക്കും .തീരക്കടലിൽ കാണാവുന്ന ദൂരം 12 കിലോമീറ്ററോളം.

ശനിയാഴ്ചയും ഞായറാഴ്ചയും ഇതേ വേഗതയിലാകും കാറ്റ്.

വെള്ളിയാഴ്ചവരെ കേരള, ലക്ഷദ്വീപ് തീരങ്ങളിൽ മഴയോ ഇടിയോടുകൂടിയ മഴയോ പെയ്യാൻ സാധ്യത ഉള്ളതായി ഐ എം ഡി അറിയിക്കുന്നു.

വെള്ളിയാഴ്ചവരെ ഇന്ത്യൻ തീരങ്ങളിലെയും ലക്ഷദ്വീപ്, ആൻഡമാൻ തീരങ്ങളിലെയും താഴ്ന്ന പ്രെദേശങ്ങളിൽ വേലിയേറ്റ സമയത്തു തിര അടിച്ചുകഴറി വെള്ളം പൊങ്ങാൻ സാധ്യതയുണ്ടെന്ന് ഇൻകോയിസ് അറിയിക്കുന്നു. കേരള തീരത്തു പൊതുവെ കാലത്തു 11.30 മണി മുതൽ ഉച്ചക്ക് ശേഷം 1.30 മണിവരെ ശക്തിയായ തിരകൾ ഉണ്ടാകാൻ സാധ്യത. തമിഴ്നാട് തീരത്തു രാവിലെ 8.30 മണി മുതൽ തിരകൾ ഉണ്ടാകുമെന്നും ഇൻകോയിസ് അറിയിക്കുന്നു.

കൊറോണ രോഗവ്യാപനത്തിനെതിരെയുള്ള പ്രവർത്തനങ്ങളുടെ ഭാഗമായി കൂട്ടമായുള്ള പരിപാടികളിൽ നിന്നും മാറിനിൽക്കുവാനും സാനിറ്റൈസറോ സോപ്പ് വെള്ളമോ ഉപയോഗിച്ച് കൈകൾ കഴുകുന്നത് ശീലമാക്കുവാനും ആൾക്കൂട്ടം അധികമുണ്ടാകാൻ സാധ്യതയുള്ള മത്സ്യവിപണന ചന്തകൾ,കടപ്പുറത്തെ കൂടിച്ചേരലുകൾ,ആരാധനാലയങ്ങളിലെ കൂടിച്ചേരലുകൾ എന്നിവയിൽ നിന്ന് മാറിനിൽക്കുവാനും പ്രിയ മത്സ്യത്തൊഴിലാളികളെ ഓർമിപ്പിക്കുന്നു.

കൂടുതൽ വിവരങ്ങൾക്കായി വെബ്സൈറ്റ് കാണുക imdtvm.gov.in. മലയാളത്തിലെ വിവരങ്ങളുമായി radiomonsoon.in എന്ന വബ്സൈറ്റും ലഭ്യമാണ്. അടുത്ത അറിയിപ്പ് വെള്ളിയാഴ്ച രാത്രി 8 മണിക്ക്