കടലിന്റെ സ്ഥിതി

റേഡിയോ മൺസൂൺ

ശബ്ദം
IMG_0076

2020 ജൂൺ 6 ശനിയാഴ്ച രാത്രി 8 മണിക്കുള്ള അറിയിപ്പ്,
ഇന്ത്യൻ സമുദ്ര വിവര സേവന കേന്ദ്രം ഇൻകോയിസ് അറിയിക്കുന്നതനുസരിച്ച്

ശനിയാഴ്ച വൈകീട്ട് മുതൽ അഞ്ചുതെങ് മുതൽ പൂവാർ വരെയുള്ള തീരങ്ങളിൽ വടക്ക് പടിഞ്ഞാറ് നിന്നും മണിക്കൂറിൽ 25 കിലോമീറ്റർ വരെ വേഗതയിലാകും കാറ്റ്. പൂവാർ തീരത്തിന് തെക്ക് 30 കിലോമീറ്റർ വരെ വേഗതയിൽ കാറ്റുണ്ടാകും.തിരുവനന്തപുരത്തിന്റെ വടക്കൻ തീരങ്ങളിൽ ഞായറാഴ്ച രാവിലെ തെക്ക് പടിഞ്ഞാറ് നിന്നുമാവും കാറ്റ് . തീരക്കടലിൽ പെട്ടന്ന് ഉണ്ടാകുന്ന കാറ്റ് മണിക്കൂറിൽ 40 കിലോമീറ്റർ വരെ വേഗതയിലാവും. അലകൾ തെക്ക് പടിഞ്ഞാറ് നിന്നും 8 അടി വരെ ഉയരത്തിലുമായിരിക്കും. തീരക്കടലിൽ കാണാവുന്ന ദൂരം 12 കിലോമീറ്ററോളം. ഞായറാഴ്ച അഞ്ചുതെങ് മുതൽ പൂവാർ വരെയുള്ള തീരങ്ങളിൽ തെക്ക് പടിഞ്ഞാറ് നിന്നും മണിക്കൂറിൽ 30 കിലോമീറ്റർ വരെ വേഗതയിലും പൂവാർ തീരത്തിന് തെക്ക് 35 കിലോമീറ്റർ വരെ വേഗതയിലും കാറ്റുണ്ടാകും.തിങ്കളാഴ്ച കാറ്റിന്റെ വേഗത മണിക്കൂറിൽ 25 കിലോമീറ്റർ വരെയാവും . തിരുവനന്തപുരം ജില്ലയിൽ ഈ ദിവസങ്ങളിൽ പ്രേത്യേകിച്ച് രാത്രിയും അതിരാവിലെയും ശരാശരി മഴയുണ്ടാവാം. മഴയുള്ളപ്പോൾ ദൂരകാഴ്ച കുറയും. മഴയുള്ളപ്പോൾ പെട്ടെന്നുണ്ടാകുന്ന കാറ്റ് തെക്ക് നിന്നും മണിക്കൂറിൽ 55 കിലോമീറ്റർ വരെ വേഗതയിൽ ഉണ്ടാകാൻ സാധ്യതയുള്ളതിനാൽ ഉൾക്കടലിൽ മത്സ്യബന്ധനത്തിന് പോകുന്നവർ ശ്രദ്ധിക്കുക.

മഴയും മിന്നലിനും സാധ്യതയുള്ളതായി ഐ.എം.ഡി. ഈ സമയങ്ങളിൽ ശക്തമായ കാറ്റുണ്ടാവാം.കടലിൽ ഇടിമിന്നൽ മൂലമുള്ള അപകടങ്ങൾ വർദ്ധിച്ചുവരുന്ന സാഹചര്യത്തിൽ ഇടിമിന്നലുള്ളപ്പോൾ മത്സ്യത്തൊഴിലാളികൾ കൂടുതൽ ജാഗ്രത പാലിക്കണമെന്നും കഴിവതും മിന്നലുള്ളപ്പോൾ എഞ്ചിൻ ഓടിയ്ക്കുന്നതും ഇരുമ്പ് പോലുള്ള ലോഹങ്ങൾ ഉപയോഗിക്കുന്നതും വള്ളങ്ങളിൽ നിൽക്കുന്നതും ഒഴിവാക്കണമെന്നും അഭ്യർത്ഥിക്കുന്നു.

കൊറോണ രോഗവ്യാപനത്തിനെതിരെയുള്ള പ്രവർത്തനങ്ങളുടെ ഭാഗമായി കൂട്ടമായുള്ള പരിപാടികളിൽ നിന്നും മാറിനിൽക്കുവാനും സാനിറ്റൈസറോ സോപ്പ് വെള്ളമോ ഉപയോഗിച്ച് കൈകൾ കഴുകുന്നത് ശീലമാക്കുവാനും ആൾക്കൂട്ടം അധികമുണ്ടാകാൻ സാധ്യതയുള്ള മത്സ്യവിപണന ചന്തകൾ,കടപ്പുറത്തെ കൂടിച്ചേരലുകൾ,ആരാധനാലയങ്ങളിലെ കൂടിച്ചേരലുകൾ എന്നിവയിൽ നിന്ന് മാറിനിൽക്കുവാനും പുറത്തിറങ്ങുമ്പോൾ നിർബന്ധമായും മാസ്ക് ധരിക്കുവാനും പ്രിയ മത്സ്യത്തൊഴിലാളികളെ ഓർമിപ്പിക്കുന്നു.

കൂടുതൽ വിവരങ്ങൾക്കായി വെബ്സൈറ്റ് കാണുക imdtvm.gov.in. മലയാളത്തിലെ വിവരങ്ങളുമായി radiomonsoon.in എന്ന വെബ്സൈറ്റും ലഭ്യമാണ്. അടുത്ത അറിയിപ്പ് ഞായറാഴ്ച പകൽ 2 മണിക്ക്.

അടുത്ത ദിവസങ്ങളിലെ മഴയുടെ സാധ്യത