കടലിന്റെ സ്ഥിതി

റേഡിയോ മൺസൂൺ

ശബ്ദം
IMG_0076

2019 ആഗസ്ത് 16 വെള്ളിയാഴ്ച രാത്രി 8 മണിക്കുള്ള അറിയിപ്പ് ,

ഇന്ത്യൻ സമുദ്ര വിവര സേവന കേന്ദ്രം ഇൻകോയിസ് അറിയിക്കുന്നതനുസരിച്ച് .

ശനിയാഴ്ച തിരുവനന്തപുരത്തിന്റെ വടക്ക് അഞ്ചുതെങ്ങ് മുതൽ വിഴിഞ്ഞം വരെയുള്ള തീരക്കടലിൽ ഉച്ചവരെ കാറ്റിന്റെ വേഗത വടക്ക് പടിഞ്ഞാറ് നിന്നും മണിക്കൂറിൽ 26 കിലോമീറ്റർ വരെയും ഉച്ചയ്ക്ക് ശേഷം മണിക്കൂറിൽ 20 കിലോമീറ്റർ വരെയും ആയിരിക്കും.തിരുവനന്തപുരത്തിന്റെ തെക്ക് വിഴിഞ്ഞം മുതൽ പൊഴിയൂർ വരെയുള്ള തീരക്കടലിൽ ശനിയാഴ്ച രാവിലെ കാറ്റിന്റെ വേഗത മണിക്കൂറിൽ 28 കിലോമീറ്റർ വരെയും ഉച്ചയ്ക്ക് ശേഷം മണിക്കൂറിൽ 22 കിലോമീറ്റർ വരെയും ആയിരിക്കും.ഈ ഭാഗങ്ങളിൽ ഇരുപത് കിലോമീറ്ററിനപ്പുറം രാവിലെ വടക്ക് പടിഞ്ഞാറ് നിന്നും മണിക്കൂറിൽ 32 കിലോമീറ്റർ വരെയും ഉച്ചതിരിഞ്ഞ് മണിക്കൂറിൽ 28 കിലോമീറ്റർ വേഗതയിലുമാവും കാറ്റ് .തീരക്കടലിൽ കാറ്റ് ചിലയവസരങ്ങളിൽ പെട്ടെന്ന് മണിക്കൂറിൽ 30 കിലോമീറ്റർ വരെ വേഗതയിലെത്താം.അലകൾ തെക്ക് പടിഞ്ഞാറ് നിന്നും 7 അടി വരെ ഉയരത്തിലായിരിക്കും.തീരക്കടലിൽ കാണാവുന്ന ദൂരം 8 കിലോമീറ്ററോളം .

ദൂരക്കടലിൽ പോകുന്നവർ ശ്രദ്ധിക്കുക,
അറബിക്കടലിന്റെ മധ്യ,തെക്ക് പടിഞ്ഞാറൻ ഭാഗങ്ങളിൽ ഞായറാഴ്ച വരെ അതിശക്തമായ കാറ്റുണ്ടാകുമെന്ന് ഇൻകോയിസ്.ഈ ഭാഗങ്ങളിൽ കടൽപ്പണിക്കാർ പോകരുതെന്ന് അറിയിക്കുന്നു.
.

കൂടുതൽ വിവരങ്ങൾക്കായി വെബ്സൈറ്റ് കാണുക imdtvm.gov.in. കാറ്റ് ചിത്രീകരിക്കുന്ന ഗ്രാഫുകളും മറ്റും മലയാളത്തിൽ വിവരങ്ങളുമായി radiomonsoon.in എന്ന വെബ്സൈറ്റും ലഭ്യമാണ്.

അടുത്ത അറിയിപ്പ് ശനിയാഴ്ച രാത്രി 8 മണിക്ക്